दीपेन्द्रको संयमित ब्याटिङमा नेपालको मध्यम योगफल

१२ वैशाख, काठमाडौं । आईसीसी विश्वकप क्रिकेट लिग–२ अन्तर्गतको खेलमा नेपालले युएईलाई २०१ रनको लक्ष्य प्रस्तुत गरेको छ ।

त्रिवि क्रिकेट मैदानमा टस हारेर पहिला ब्याटिङ गरेको नेपालले ४८ ओभर २ बलमा २०० रनमा समेटियो ।

नेपालका लागि उपकप्तान दीपेन्द्रसिंह ऐरीले संयमित ब्याटिङ गरे । लगातार विकेट गइरहेको नेपालको ब्याटिङ दीपेन्द्रले उकासे ।

दीपेन्द्र ९० बलमा ७५ रन बनाएर अन्तिम विकेटका रूपमा आउट भए । ओपनर कुशल भुर्तेल २४, आसिफ शेख ७, भीम सार्की १०, कप्तान रोहित पौडेल २, बसिर अहमद २०, आरिफ शेख १५, सोमपाल कामी १५ र करण केसी २२ रनमा आउट भए । ललित राजवंशी शून्यमा अविजित रहे ।