वीरगन्ज । पर्साको पटेर्वा सुगौली गाउँपालिका–१ स्थित दुधेश्वरनाथ महादेव मन्दिर नजिक ट्र्याक्टरबाट खसेर सोही ट्र्याक्टरले किच्दा १७ वर्षीय किशोरको मृत्यु भएको छ ।
मंगलबार भएको दुर्घटनामा बाराको विश्रामपुर गाउँपालिका–५ इटियाही टोलका आकाश रामको घटनास्थलमै मृत्यु भएको जिल्ला प्रहरी कार्यालय पर्साका प्रहरी नायब उपरीक्षक चक्रबहादुर मल्लले जानकारी दिए ।
उनका अनुसार ट्र्याक्टरबाट खसेका रामलाई सोही ट्र्याक्टरले किचेको थियो । दुर्घटनापछि चालक फरार रहेको र उनको खोजी भइरहेको प्रहरीले जनाएको छ।