वैदिक आयुर्वेद सेवा प्रालिको आयोजनामा आयुर्वेदले सबै रोग सञ्चो गर्छ भन्ने शिर्षकमा आधारित बृहत तीजगीत प्रतियोगिता सम्पन्न

१० भदौ, चितवन। वैदिक आयुर्वेद सेवा प्रालीको आयोजनामा भदौ ८ गते आइतबार रोयल बेनक्विड भरतपुर ६ चोक बजारमा वृहत तीज गीत प्रतियोगीता सम्पन्न भएको छ ।

आयुर्वेदिकले सबै रोग सन्चो गर्छ भन्ने शीर्षकमा आधारित खुल्ला तीज गीत प्रतियोगितामा १४ टिम सहभागी थिए । वैदिक आयुर्वेद सेवा प्रा.लि.को आयोजनामा सम्पन्न वृहत तीज गीत प्रतियोगीतमा आनन्द दिदीबहिनी भजन समूह भरतपुर वडा नम्बर १२ प्रथम भएको छ । अग्रसर आमा समूह रामबाग द्वितीय र मध्यबिन्दु टोल विकास संस्था तेश्रो भएका छन । प्रतियोगीतमा सहनशिला बुहारी समूह भरतपुर २२ र नवकल्याण टोल विकास संस्थाले सान्तोना स्थान हासिल गरेका छन ।

वैदिक विषयवस्तु उत्थान गरे वापत मिलिजुली बचत समूह भरतपुर ६ र नृत्य तर्फ डम्पिङ महिला उद्यमी समूह रत्ननगर ११ उत्कृष्ट हुन सफल भए ।

प्रतियोगितामा प्रथम हुनेले ३ं० हजार, दोस्रो हुनेले २० हजार, तेस्रो हुनेले १० हजार सान्त्वना हुनेले ५ हजार नगद उत्कृष्ट विषयवस्तु उठान र उत्कृष्ट नृत्य तर्फ रु २५०० र नगद सहित प्रमाणपत्र प्राप्त गरेको वैदिक आयुर्वेद सेवा प्रा.लि.का प्रबन्ध निर्देशक चक्रपाणी न्यौपानेले बताउनु भयो । विकृति, बिसंगती हटाई, प्रक्रितिमा पाईने अनमोल आयुर्वेदको अनुसरण गरे रोगलाई जरै देखि निको पार्छ जस्ता शिर्षकमा सहभागिले गीत गाएको उहाँले जानकारी दिनुभयो । उहाँले वैदिक आयुर्वेदले आयुर्वेदका माध्यमबाट विभिन्न रोगका विरामीहरुलाई निको पार्न सफल भएको बताउनु भयो । आज आम जनमानसमा वैदिक आयुर्वेदले रोगलाई जरै देखि निर्मूल बनाउछ भन्ने विश्वास बढेको उहाँले बताउनु भयो ।

प्रतियोगिताका प्रमूख अतिथि डा आकास जिसीले संस्कार संस्कृति जोगाउँदै मनोरन्जन प्रदान गर्नका लागि यस्ता प्रतियोगिताले महत्वपूर्ण भूमिका निर्वाह गर्ने बताउनुभयो । उहाँले वैदिक आयुर्वेद सेवा प्रालिले आयुर्वेदका क्षेत्रबाट समाजमा पु¥याएको सकरात्मक प्रभावको खुलेर प्रशंसा गर्नुभयो । विशिष्ट अतिथिमा वडा नम्बर ६ का वडाध्यक्ष कृष्णलाल श्रेष्ठ र चोक बजार टोल विकास संस्थाका अध्यक्ष मुना गुरुङ हुनुहुन्थयो। कार्यक्रम भागवत लामिछानेको संयोजकत्वमा सम्पन्न भयो । मधुसुधन घिमिरे अपेक्षा गिरी सविता न्यौपाने निर्णायक मण्डलमा रहनुभएको थियो । कार्यक्रमको सञ्चालन सुशील पन्तले गर्नुभएको थियो ।